Stavileci: Rritet eksporti i produkteve kosovare për në Serbi
Stavileci: Sivjet është një prej viteve më të mira të Doganës
Që nga hyrja në fuqi e vendimit të Ministrisë e Tregtisë dhe Industrisë për vendosjen e tarifës prej 4 centësh për importin nga Serbia, importi nga ky shtet krahasuar me periudhën e njëjtë nga vitet e kaluara ka rënë nga 3.8 milionë kg në 800 mijë kg.
Kështu ka thënë zëdhënësi i Doganës së Kosovës, Adriatik Stavileci, duke shtuar se ndërkohë Dogana e Kosovës vazhdon të konfiskojë mallrat t ë kontrabanduara.
Krahas importit sipas Stavliecit, këtë vit rritje ka shënuar edhe eksporti. Interesante sipas tij është se eksporti i produkteve kosovare për në Serbi ka shënuar rritje prej 40 %.
“Rritja e të hyrave tregon se kemi ulje të kontrabandës. Sivjet është një prej viteve më të mira të Doganës. Për momentin që flasim ne kemi mbledhur 1 miliard e 11 milionë euro, do të thotë të hyra për buxhetin e Kosovës që në krahasim me vitin e kaluar paraqet rritje prej 6.2 perqind”, tha Stavileci për televizionin publik.