Sulmohet seksualisht një shtetase e huaj në ashensorin e banesës në Prishtinë

Një grua, shtetase e huaj është sulmuar seksualisht nga një burrë derisa ishte duke u kthyer në banesën e saj, të martën në Prishtinë.

Sipas Policisë i dyshuari i panjohur e ka përcjellur viktimën dhe më pas i njëjti ka hipur në ashensor të ndërtesës së bashku me të, ku e ka prekur në pjesët intime dhe i ka shkaktuar lëndime në qafë.

Për shkak të lëndimeve viktima ka pranuar trajtim mjekësor.

Policia rastin e ka cilësuar “Sulm seksual”, ndërsa është në procedurë hetimore./21Media