Tajvani do të dhurojë 6 milionë dollarë për pesë qytete ukrainase

Tajvani njoftoi të martën se do të dhurojë 6 milionë dollarë për pesë qytetet ukrainase të prekura nga pushtimi rus  përfshirë Kharkivin, qytetin e dytë më të madh të Ukrainës  si shenjë mbështetjeje dhe për të ndihmuar në rindërtimin e shkollave dhe infrastrukturës civile, sipas një deklarate nga ministria e tij e jashtme.
Në një telefonatë me kryetarin e bashkisë së Kharkiv, Ihor Terekhov, Ministri i Jashtëm i Tajvanit, Joseph Wu tha se Taipei do të dhurojë 2 milionë dollarë për Kharkivin dhe 500,000 dollarë shtesë secili për Chernihiv, Mykolaiv, Sumy dhe Zaporizhzhia.
“Populli i Tajvanit ndjen empati dhe qëndron me popullin e Ukrainës, pasi ne jemi përballur prej kohësh me kërcënimet nga Kina,” i tha Wu Terekhov.
Sipas deklaratës, Terekhov shprehu mirënjohjen e tij dhe tha se mezi pret të ftojë Wu në Kharkiv pas luftës.
Telefonata me kryebashkiakun e Kharkiv-it pason një telefonatë me kryebashkiakun e Kievit Vitali Klitschko në prill, ku Taipei njoftoi një donacion prej 8.8 milionë dollarë për Ukrainën.
Tajvani nuk ka marrëdhënie zyrtare diplomatike me Ukrainën.
Të premten e kaluar, ministria e jashtme e Tajvanit tha se kishte përfunduar transportin e 582 tonëve ndihma dhe furnizime për popullin ukrainas./21Media