Të shtëna armësh afër objektit të Ministrisë së Tregtisë

Të shtëna armësh janë dëgjuar afër objektit të Ministrisë së Industrisë, Ndërmarrësisë dhe Tregtisë.
Rasti është konfirmuar nga zëdhënsja e Policisë së Kosovës për rajonin e Prishtinës, Flora Ahmeti.
Ahmeti ka njoftuar se “rreth orës 15:40, policia ka marrë informatën për të shtëna me armë në rrugën Arbnor dhe Astrit Dehari në Prishtinë”.
“Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në informacionet e para janë ngritur dyshimet se një person i dyshuar, nga një  motoçikletë në lëvizje ka shtënë me armë zjarri në drejtim të një veture”, tha Ahmeti.
Ahmeti njoftoi gjithashtu s nuk raportohet për persona të lënduar.
“Hetuesit policor në koordinim me prokurorinë, ndërmarrin veprimet hetimore për ndriçimin e plotë të rastit i cili është cilësuar vrasje në tentativë”, ka përfunduar Ahmeti./21Media 

Back to top button