Tre të vdekur nga stuhia e fuqishme dimërore

Të paktën tre persona kanë vdekur pasi një stuhi e fuqishme dimërore përfshiu SHBA-në, duke shkaktuar tornado në shtetet jugore.
Një djalë i ri dhe nëna e tij humbën jetën në Luiziana kur shtëpia e tyre u shkatërrua nga një tornado.
Stuhia e madhe solli gjithashtu kushte të ngjashme me stuhinë në Midwest, me rrugë dhe shkolla të mbyllura dhe disa zona raportuan 1.2m borë.
Rreth 3 mijë e 300 fluturime janë vonuar dhe mbi 150 të tjera janë anuluar.
Rreth 500 mijë njerëz në katër shtete – Nebraska, Wyoming, Dakota e Jugut dhe Minesota janë nën paralajmërime për stuhi, me erëra të fuqishme dhe reshje të dendura bore që e bëjnë të vështirë udhëtimin.
Miliona të tjerë në mbarë vendin janë nën alarmet më pak të rënda të motit dimëror.
Stuhi të forta parashikohen përgjatë bregut të Gjirit, duke përfshirë Luiziana, Misisipi, Alabama dhe pjesë të Floridës. Ka gjithashtu paralajmërime për tornado në pjesë të Luizianës dhe Mississippi.
Ekipet e shpëtimit kërkuan për orë të tëra para se të gjenin nënën dhe djalin që vdiqën në një zonë rurale pranë qytetit të Shreveport.
Mbetjet e djalit Nikolus Little, tetë vjeç – u gjetën në një zonë të pyllëzuar gjysmë milje larg shtëpisë së familjes.
Trupi i nënës së tij Yoshiko A Smith, 30 vjeç u zbulua rreth një rrugë larg shtëpisë së shkatërruar, nën një grumbull mbeturinash, thanë zyrtarët.
Sherifi Steve Prator tha për televizionin lokal KSLA se babai i kishte raportuar ata të zhdukur.
“Nuk gjetëm as shtëpinë që përshkruante me adresën”, tha sherifi. “Gjithçka ishte zhdukur,”
Një grua 56-vjeçare u gjet gjithashtu e vdekur jashtë shtëpisë së saj në Parish St Charles, sipas një politikani lokal. Departamenti i Shëndetësisë në Luiziana tha se ajo vdiq pasi një tornado shkatërroi shtëpinë e saj.
Në qytetin e vogël të Farmerville rreth160 km larg, të paktën 25 njerëz u lënduan pas një tornado që goditi, sipas gazetës lokale të lajmeve KNOE .
Të paktën 18 tornado ranë në Teksas, Luiziana, Oklahoma dhe Misisipi të martën, duke lënduar banorë dhe duke shkatërruar shtëpi dhe ndërtesa.
Më shumë u raportuan të mërkurën, ndërsa guvernatori i Luizianës shpalli gjendjen e jashtëzakonshme.
Sistemi i stuhisë filloi të godasë SHBA-në të premten e kaluar, duke sjellë erëra të fuqishme dhe borë në disa pjesë të Kalifornisë./21Media