Treni godet veturën, lëndohen dy persona
Në lagjen Prroi i Njelmët në Prishtinë treni sot ka goditur një veturë të tipit Mercedes Benz.
Policia e Kosovës ka njoftuar se fatmirësisht nuk ka të vdekur. Nga ky aksident kanë pësuar lëndime dy persona.
Rastin për rtv21.tv e ka konfirmuar zëdhënësja e Policisë për rajonin e Prishtinës, Flora Ahmeti, e cila tha se personat e lënduar janë dërguar për tretman mjekësor.
Sipas Ahmetit, me rastin po merret Njësiti i Trafikut Rrugor./21Media