U mbajt konferencë për këngëtarin e njohur italian, Mahmood, gazetari i RTV21 e bëri të këndonte live

1 min read

Sot u mbajt konferencë për shtyp brenda Ambasadës se Italisë në Kosovë për nder të këngëtarit të famshëm italian, Alessandro Mahmood, i cili sonte do të performojë në “Sunny Hill Festival”.

 

Gazetari i RTV21, Granit Miftari e bëri Mahmood-in të këndonte live në fund të konferencës.

Ambasadori italian, Antonello De Riu mbrëmë ka organizuar një darkë me artistët kosovarë për nder të këngëtarit Alessandro Mahmood. Të pranishëm në darkë ishin: Kryetari i Prishtinë, Përparim Rama, këngëtarët: Dafina Zeqiri, Mc Kresha e fytyra të shumta publike.

Ndryshe, prej 4 e deri më 7 gusht në Festivalin “Sunny Hill”, që mbahet në Parkun e Gërmisë do të performojnë artistë të njohur vendor dhe ndërkombëtar./21Media