Ukraina pretendon se janë zmbrapsur mbi 130 sulme ruse në 24 orët e fundit

Mbi 130 sulme ruse u zmbrapsën në 24 orët e fundit nga ushtarët ukrainas në vijën e frontit, tha të dielën ushtria ukrainase.
“Armiku po përqendron përpjekjet e tij kryesore në kryerjen e operacioneve sulmuese në drejtimet Kupiansk, Lyman, Bakhmut, Avdiivka dhe Shakhtarsk. Dje, mbrojtësit tanë zmbrapsën më shumë se 130 sulme të armikut në drejtimet e treguara”, thuhet në një konferencë të Shtabit të Përgjithshëm të Forcave të Armatosura të Ukrainës.
Sipas shtabit, forcat ajrore ukrainase kryen 18 sulme ajrore në grupe të personelit ushtarak dhe pajisjeve ruse, shkruan AA.
Ushtria tha se forcat ruse vazhdojnë përpjekjet e tyre për të rrethuar Bakhmutin në Ukrainën lindore, një qendër e madhe transporti përmes së cilës trupat ukrainase furnizohen me armë, pajisje ushtarake dhe municione.