Ukraina zgjat ligjin ushtarak deri në gusht

Ukraina ka zgjatur ligjin ushtarak për tre muaj deri më 23 gusht.

Presidenti Volodymyr Zelensky ka nënshkruar fillimisht dekretin, së bashku me një thirrje të përgjithshme mobilizimi ushtarak, më 24 shkurt dhe që atëherë e ka zgjatur atë për një muaj në dy raste.

Të dielën, parlamenti i Ukrainës ka votuar me një shumicë absolute për një zgjatje të tretë, ndërsa Rusia vazhdon të përqendrojë ofensivën e saj në rajonin lindor të Donbasit.

Përfaqësuesi i Zelensky në Gjykatën Kushtetuese, Fedir Venislavskyy ka thënë se vendimi për ta zgjatur atë për 90 ditë këtë herë është për shkak se një “kundërsulm kërkon më shumë kohë se sa mbrojtja”.

Sipas ligjit ushtarak, burrave ukrainas të moshës 18-60 vjeç u ndalohet të largohen nga vendi nëse nuk kanë përjashtime të veçanta, shkruan BBC./21Media