Zelensky: Forcat ukrainase po bëjnë përparim në Kherson dhe Kharkiv

Forcat ukrainase kanë bërë përparim në rajonet e Khersonit dhe Kharkivit dhe po frenojnë forcat ruse në Zaporizhzhia, tha presidenti ukrainas, Volodymyr Zelensky në një fjalim të martën mbrëma.
“Mbrojtësit tanë tregojnë guxim të jashtëzakonshëm, pavarësisht nga fakti se Rusia ka një avantazh të konsiderueshëm në forcë dhe armë. Ne duam që të gjithë njerëzit tanë të çlirohen, por kjo duhet bërë me kujdes”, tha Zelensky, transmeton rtv21.tv.
Zelensky gjithashtu përshëndeti paketën e re të sanksioneve të miratuar nga Këshilli Evropian, i cili do të shkurtonte importet e naftës ruse, si dhe do të pezullonte kanalet e propagandës ruse dhe do të largonte Sberbank nga SWIFT , sistemi ndërkombëtar i mesazheve bankare.
“Unë jam mirënjohës për të gjithë që arritën këtë marrëveshje”, tha Zelensky./21Media