Haradinaj tha se Kosova i merr seriozisht raportimet e FMN-së

Haradinaj tha se Kosova i merr seriozisht raportimet e FMN-së

Kryeministri Ramush Haradinaj ka pritur në takim delegacionin e Fondit Monetar Ndërkombëtar (FMN), ku biseduan për zhvillimin ekonomik të vendit, si prioritet qeveritar.

“Fondi Monetar Ndërkombëtar, pos bashkëpunimit të frytshëm me Kosovën, vazhdon matjet dhe monitorimin e stabilitetit makrofiskal dhe ekonomik. Në takim me delegacionin e FMN-së biseduam për zhvillimin ekonomik të vendit si prioritet i Qeverisë që e drejtoj, sidomos për zbatimin e buxhetit të këtij viti, shpenzimet strategjike dhe investimet kapitale”, ka shkruar Haradinaj në “Facebook”.

Ai po ashtu ka pohuar se Kosova i merr seriozisht raportimet e FMN-së dhe mbetet e përkushtuar në diciplinën financiare dhe stabilitetin makrofiskal./21Media