Bullgaria do të jetë shumë vigjilente për sjelljen e autoriteteve maqedonase dhe gjuhën e urrejtjes

Duke komentuar vërejtjen e presidentit të Bullgarisë, Rumen Radev se Galab Donev do të mbetet kryeministër i qeverisë së ardhshme të përkohshme, zëvendëspresidentja, Iliana Iotova i tha Televizionit Kombëtar Bullgar të dielën se nuk kanë hezituar kurrë për kryeministrin Galab Donev.
Në publik ka spekulime se dy kandidatë po konsiderohen për postin e kryeministrit në qeverinë e ardhshme të përkohshme.
Iotova tha në intervistën televizive se institucioni presidencial nuk është fajtor për dështimin e partive në formimin e kabinetit të ri brenda mandatit të Kuvendit të tanishëm. “Ajo që administrata presidenciale është përpjekur të bëjë është të rivendosë stabilitetin, shtoi ajo.
2 prilli nuk është zgjedhur përfundimisht si datë për zgjedhjet e ardhshme të parakohshme parlamentare, sipas Iotovës. “Presidenti do të marrë një vendim shumë të informuar,” tha ajo.
E pyetur nëse Presidenti do të frymëzojë shfaqjen e një projekti të ri politik, Iotova tha: “Natyrisht, ka qarqe në Bullgari që kanë frikë nga vlerësimi i lartë i institucionit presidencial dhe janë të frikësuar nga mendimi se Presidenti mund të vendosë të fillojë një projekt politik në të ardhmen. Në diskutimet e mia me Presidentin gjatë gjithë këtyre viteve, asnjëherë nuk ka patur referime për ndonjë projekt të mundshëm politik në të ardhmen. Ne po luajmë rolin tonë duke shfrytëzuar kompetencat që kemi në Kushtetutë. Shqetësimi ynë kryesor është interesi i popullit, prandaj gëzojmë miratimin e tyre”.
Komisioneri i Këshillit të Evropës për të Drejtat e Njeriut (CHR) do të njoftohet për sulmin e fundit ndaj Hristian Pendikov, sekretar i Qendrës Kulturore Bullgare në Ohër, Maqedonia e Veriut, tha Iotova. Sipas saj, raportet e fundit të CHR dukej se tregonin se Këshilli i Evropës nuk besonte se njerëzit që identifikohem si bullgarë ishin objektiva të sprovave të rënda dhe diskriminimit në Maqedoninë e Veriut.
Duke diskutuar vendimin e Sofjes në qershor 2022 për të hequr veton e saj për fillimin e negociatave të pranimit në BE me Shkupin, Iotova tha: “Po, kjo është sigurisht e rëndësishme. Por kjo nuk do të thotë se Bullgaria e konsideron punën e saj të kryer. Përkundrazi, ne do të jemi shumë vigjilent për raste të tilla [si rrahja e Ohrit], për sjelljen e autoriteteve maqedonase, për këtë gjuhë të vazhdueshme të urrejtjes – dhe të gjitha institucionet evropiane do të njoftohen për këtë.”
Zëvendëspresidentja bëri thirrje për një përgjigje me të gjitha mjetet, si nga partnerët evropianë, ashtu edhe në nivel dypalësh.