Burri ia dha veshkën vjehrrës, e dashura e la dhe u martua me dikë tjetër

2 min read

Dashuria është gjithmonë e pakushtëzuar dhe nuk duhet të përfshijë sakrifica të tepërta, ky është ndoshta është mësim i mirë nga Uziel Martínez, një mësues meksikan që donte të tregonte përvojën e tij të veçantë në një video në TikToke cila u bë virale, duke mbledhur mbi pesëmbëdhjetë milionë shikime.

Në video burri tha se i kishte dhuruar një veshkë nënës së të dashurës së tij, por kjo e fundit e braktisi dhe më vonë u fejua me një tjetër dhe më në fund u martua një muaj më vonë.

“I dhurova një veshkë nënës së saj, ajo më la dhe u martua një muaj më vonë”, ishte mesazhi i Uziel Martínez, i cili në video i ftoi ndjekësit të zbulojnë sakrificat e tjera që kanë bërë për dashurinë, transmeton rtv21.tv.

Videoja shumë shpejt u bë virale, duke mbledhur gjithashtu mijëra komente mes atyre që e inkurajojnë, atyre që e kritikojnë dhe madje edhe atyre që e vënë në dyshim historinë e tij pasi aty është vetëm fjala e tij dhe nuk ka dokumente të tjera që mbështesin vërtetësinë e historisë.

Videoja e tij është në përputhje me trendin e TikTok në të cilin përdoruesit tregojnë se çfarë kanë bërë për dashurinë që nuk ia vlente të bëhej.

Burri iu përgjigj kritikave duke konfirmuar historinë e tij të mëparshme, por edhe duke ndaluar ata që akuzuan dhe kritikuan ashpër ish-in.

“Në fakt unë jam mirë, jam mirë edhe emocionalisht edhe fizikisht dhe mendoj se është edhe ajo. Nuk kam asgjë kundër saj, jemi në marrëdhënie të mira. Nuk jemi miq, por as e urrejmë njëri-tjetrin. E bëra këtë vetëm për të krijuar një TikTok. Nuk e mendoja se kjo do të dilte jashtë kontrollit tim”, shpjegoi mësuesi nga Baja California në një video tjetër duke treguar se jeta e tij vazhdon normalisht./21Media