Çfarë i ndodh trupit tuaj nëse hani 3 hurma në ditë, për një javë!

 
Edhe pse hurmat arabe nuk konsiderohen një superushqim, ato janë aty afër. Hurmat ofrojnë aq shumë përfitime shëndetësore sa që është pothuajse një domosdoshmëri për ne që t’i hamë ato. Dhe fakti që janë të ëmbla dhe me shije të mirë, i bën akoma më të mira.
Bright Side tregon se pse duhet të përfshini hurmat në dietën tuaj.
1. Shëndeti i kockave do të përmirësohet

Sipas Julie Garden-Robinson, Ph.D., LRD, një profesoreshë e Universitetit Shtetëror të Dakotës së Veriut, hurmat përmbajnë boron, i cili promovon kocka të shëndetshme. Një studim tjetër tregon se mineralet si fosfori, kaliumi, kalciumi dhe magnezi, të cilat gjenden në frutat e thata, forcojnë kockat tona dhe luftojnë sëmundje si osteoporoza.
2. Tretja juaj do të përmirësohet

Siç u përmend më parë, hurmat janë të pasura me fibra dhe sistemi ynë tretës kërkon që fibra të funksionojë siç duhet.
Marrja e fibrave parandalon kapsllëkun dhe nxit lëvizjet e rregullta të zorrëve. Një studim i publikuar në British Journal of Nutrition, tregoi se njerëzit që konsumojnë hurma rregullisht kanë një sistem tretës shumë më të mirë se ata që nuk e konsumojnë, shkruan BrightSide, transmeton rtv21.tv
3. Ato ju ndihmojnë të luftoni stresin dhe depresionin

Hurmat përmbajnë vitaminë B6, e cila është treguar se ndihmon trupin të krijojë serotonin dhe norepinefrinë, të cilat përmirësojnë shëndetin e trurit tuaj. Serotonin rregullon disponimin tuaj, ndërsa norepinefrina lufton stresin. Për më tepër, ky studim tregon se nivelet e ulëta të B6 janë të lidhura me depresionin.
Sa më shumë vitaminë B6 të marrim, aq më mirë do të ndihemi jo vetëm fizikisht, por edhe mendërisht.
4. Ato ju japin një nxitje të konsiderueshme energjie

Hurmat janë të pasura me fibra, kalium, magnez, vitamina dhe antioksidantë që i bëjnë ato një rostiçeri perfekte. Ato ofrojnë një shpërthim të qëndrueshëm të energjisë falë sheqernave si fruktoza dhe glukoza./21Media