Gjakova e bronztë, Kuka: Vullneti i saj i hekurt për rikthim tashmë po jep fryte

Nora Gjakova e ka përfaqësuar Kosovën në Grand Slam Baku që po mbahet në Baku të Azerbajxhanit.
Në kuadër të kategorisë deri në 57 kilogramë, Gjakova ka arritur ta fitojë medaljen e bronztë nga ky turne.
Gjakova u përball në repesazh, ku në raundin e parë e mposhti xhudisten italiane, Veronica Toniolo, kurse në garën për të bronztën e mposhti xhudisten nga Belgjika, Mina Libeer.
Tani, pas këtij suksesi të Gjakovës ka reaguar edhe trajneri i ekipit kosovar të xhudos, Driton Kuka, i cili tha se vullneti i hekurt i Norës për t’u rikthyer nga lëndimi më e fuqishme tanimë po i jep frytet e veta.
“Edhe një medalje për Kosovën! Nora Gjakova po kthehet garë pas gare drejt kreut pas pauzës nga lëndimi. Fitoj medaljen e bronztë me tri fitore dhe një humbje. 490 Pikë Olimpike që janë me rëndësi për kualifikimin në Paris 2024! Çdo luftë e Norës sot tregoj që lëndimi ka ndikuar dukshëm në shumë drejtime. Por vullneti i saj i hekurt për rikthim tashmë po jep fryte dhe në dy gara ka fituar dy medalje. Ecim përpara drejt cakut në Lojërat Olimpike në Paris”, ka Kuka në Facebook.