Këngëtarët që sollën këngë emocionuese për prindërit
Gjatë viteve sa janë në skenë kanë sjellë këngë në të cilat si tematikë ka dominuar dashuria dhe tradhëtia.
Një pjesë e këngëtarëve përmes këngëve kanë bërë dedikime të veçanta, mes tyre edhe me dedikimin për prindërit e tyre, shkruan rtv21.tv
Shyhrete Behluli në bagazhin e saj të pasuruar me këngë padyshim që ka këngë me dedikim për personin me vlerën më të madhe, nënës. “Je e vetmja” titullohet kënga e Shyhretes dedikuar nënës, të cilën e ka publikuar me videoklip ku shfaqet edhe nëna e Shyhretes.
“Faleminderit nënë” titullohet kënga e këngëtarit të njohur Meda, të cilën ia kushtoi nënës së tij.
Reperi Capital T përmes një projekti titulluar “Fjalët e nënës” ka shprehur dashurinë dhe kujdesin e pakusht të nënës.
Një këngë dedikim për nënën e saj e ka sjellë edhe këngëtarja e njohur, Adelina Emini. Projekti i titulluar “Nënës” për Adelinen është i veçantë për aryse se në videoklipin e këngës është prezente nëna e saj.
“Babi jem babushi jem” titullohet kënga e Gresa Behlulit e cila përmes tekstit të kësaj kënge ka shprehur dashurinë e madhe që e ka për babin e saj.
Një këngë dedikuar prindërve është publikuar edhe nga këngëtarët, Burak Vehapi dhe Taulant Bajraliu. Kjo këngë titullohet “Prindër sa shumë ju du”, e cila është shoqëruar edhe me videoklip.
”Sa mall ” titullohet kënga e këngëtares, Vesa Lumës, këngë kjo që i kushtohet dashurisë dhe mallit të këngëtares për babain e saj që nuk jeton më.
Këto projekte për këta këngëtarë do mbesin si kujtim i veçantë në listën e këngëve të tyre./21Media
Dëshiron ta dëgjosh këtë lajm me zë?