Merkel thyen heshtjen për të dënuar ‘luftën barbare’

Ish-kancelarja gjermane, Angela Merkel ka mbajtur fjalimin e saj të parë publik këtë vit, duke thyer heshtjen e saj për luftën e Rusisë në Ukrainë.

Në një ngjarje në Berlin, Merkel, e cila ka dhënë dorëheqje në fund të vitit 2021, ka mbështetur punën e qeverisë gjermane, BE-së, SHBA-së, NATO-s dhe të tjerëve që synonin t’i jepnin “fund kësaj lufte barbare”, shkruan BBC

“Solidariteti im shkon për Ukrainën, e sulmuar dhe pushtuar nga Rusia dhe për të mbështetur të drejtën e saj për vetëmbrojtje.”, ka deklaruar ajo.

Merkel është kritikuar për përpjekjen për t’u angazhuar me Vladimir Putinin e Rusisë gjatë periudhës së saj 16-vjeçare në detyrë, veçanërisht për pranimin e gazsjellësit Nord Stream 2. Projekti i tubacionit është pezulluar përfundimisht nga pasardhësi i saj, Olaf Scholz./21Media

Artikuj të ngjashëm

Shikoni Gjithashtu
Close
Back to top button
close button