Nagavci prezanton planin zhvillimor të arsimit

Ministrja e Arsimit, Arbërie Nagavci ka paraqitur disa nga objektivat që i kanë vënë vetës nëpërmjet planit zhvillimor të arsimit, shkencës dhe inovacionit në vitet e ardhshme, duke u bazuar në cilësi, qasje gjithëpërfshirëse dhe llogaridhënie.
Ajo ka shkruar në Facebook se së bashku me kryeministrin e Kosovës Albin Kurti, zëvendëskryeministrat, Bislimi, Gërvalla e Rexhepi, ministra, zëvendësministra dhe kolegë nga kabinetet të tyre, kanë diskutuar këtë plan zhvillimor.
Sipas saj, arsimi është mundësi dhe burim i rëndësishëm për zhvillimin e qëndrueshëm ekonomik e shoqëror të Kosovës.