Në prag të vizitës në Itali, Osmani takohet me ambasadorin De Riu

Presidentja e vendit, Vjosa Osmani, në prag të vizitës në Itali ka takuar ambasadorin italian në Kosovë, Antonello De Riu.
Zyra e Presidentes, bën të ditur se në këtë takim u diskutua për zhvillimet e fundit në vend, me ç’rast u potencua rëndësia e koordinimit dhe bashkëpunimit të rregullt me vendet aleate.
Po ashtu u diskutua për raportet e shkëlqyera në mes të Kosovës dhe Italisë.
Në këtë kontekst u theksua potenciali i lartë për hapjen e kapitujve të ri të bashkëpunimit dhe realizimin e projekteve relevante në dobi të qytetarëve./21Media