Rusia zotohet të zgjerojë marrëdhëniet me Korenë e Veriut
Rusia është zotuar të zgjerojë marrëdhëniet gjithëpërfshirëse dhe konstruktive dypalëshe me Korenë e Veriut, tha presidenti rus Vladimir Putin.
Në një letër dërguar homologut të tij Kim Jong un, në ditën e çlirimit të Phenianit, Putin tha se marrëdhëniet e zgjeruara dypalëshe do të “përputheshin me interesat e dy vendeve”, sipas një raporti të medias shtetërore të Koresë së Veriut KCNA.
Nga ana tjetër, Kim tha se miqësia midis të dy kombeve ishte krijuar në Luftën e Dytë Botërore me fitoren ndaj Japonisë.
Ai shtoi se “miqësia e tyre shoqëruese” do të forcohej më shumë, përcjell rtv21.tv
Në letrën e tij, Kim shtoi se “bashkëpunimi strategjik dhe taktik, mbështetja dhe solidariteti midis dy vendeve ishte vënë në një skenë të re të lartë, në frontin e përbashkët për frustrimin e kërcënimit dhe provokimit ushtarak të forcave armiqësore”.
Pheniani nuk i identifikoi forcat armiqësore me emër, por termi është përdorur vazhdimisht nga Koreja e Veriut për t’iu referuar SHBA-së dhe aleatëve të saj, raporton BBC
Bashkimi Sovjetik ishte dikur një aleat kryesor i Koresë së Veriut, duke ofruar bashkëpunim ekonomik, shkëmbime kulturore dhe ndihmë./21Media