Trump i mohon kthimin në SHBA gruas që iu bashkua Shtetit Islamik
Trump ka thënë se nuk do të lejojë kthimin e saj
Presidenti amerikan, Donald Trump, ka thënë se nuk do të lejojë Hoda Muthana, gruan që ka lënë SHBA-në për t’u bërë pjesë e Shtetit Islamik, të rikthehet në vendin e tij.
Shefi i Shtëpisë së Bardhë ka njoftuar se e ka urdhëruar Sekretarin e Shtetit, Mike Pompeo, që të mos lejojë Muthanan të rikthehet në SHBA.
Pompeo ka njoftuar se 24-vjeçarja nuk ka pasaportë amerikane edhe pse familjarët e Muthana dhe avokati i saj kanë thënë se kjo nuk është e vërtetë dhe se Hoda është shtetase amerikane.
Muthana, që është rritur në Alabama, kishte udhëtuar drejt Sirisë për t’ju bashkuar IS kur ishte 20-vjeç. Ajo iu kishte thënë familjarëve se po shkonte në Turqi për një aktivitet shkollor.
Në një rast të ngjashëm gjendet edhe Britania e Madhe. Adoleshentja Shamima Begum, që është bërë edhe nënë, kërkon të rikthehet, duke ngjallur debat nëse duhet të lejohet apo jo kthimi saj në vendin ishullor.
Dëshiron ta dëgjosh këtë lajm me zë?