Vazhdon greva në të gjitha institucionet arsimore të Kosovës
Nga nesër dita e gjashtë e grevës
Greva e përgjithshme në tërë sistemin arsimor duke filluar nga çerdhet, institucionet e Arsimit Parauniversitar dhe në Universitete do të vazhdojë edhe në ditët në vijim deri sa institucionet e shtetit nuk përmbushin kërkesën e SBASHK për ngritjen e koeficienteve në Projektligjin e pagave për 30 % për të gjithë të punësuarit në arsimin e Kosovës. Kështu thuhet në njoftimin e Sindikatës së Bashkuar të Arsimit, Shkencës dhe Kulturës së Kosovës.
“SBASHK ka përcjellë me kujdes situatën në tërë Kosovën gjatë grevës dhe fton institucionet qendrore e lokale që të shtojnë angazhimet për të përmbushur kërkesën legjitime të SBASHK-ut. Po ashtu i kujtojmë ata që të heqin dorë nga idetë për të bërë presione ndaj grevistëve sepse do të përballen me ligjin e drejtësinë ngase greva jonë është legjitime dhe këtë të drejtë e mbron edhe ligji mbi grevat dhe Konventat ndërkombëtare”, thuhet në njoftimin e SBASHK-ut.
Ata thonë se nuk po kërkojnë as me shumë e as më pak se të tjetër dhe prandaj siç thonë do të qëndrojmë të palëkundur në angazhimet dhe përpjekjet tona për të realizuar kërkesën e drejtë për ngritje se paku për 30 % të koeficienteve për të punësuarit në tërë sistemin arsimor.
“Të hënën,me datën 21.01.2019, në ditën e gjashtë të grevës së përgjithshme, kryetari i SBASHK-ut Rrahman Jasharaj bashkë me disa nga anëtarët e Këshillit Qendror Grevist do të qëndrojnë në Mitrovicë për të bashkëbiseduar me grevistët në Çerdhen Gëzimi i ynë ne ora 9 e 10 minuta për te vazhduar pastaj në ora 9 e 50 minuta në SHFMU Migjeni. Po ashtu Kryetari Jasharaj do të vizitojnë e dhe komunën e Vushtrrisë për t’u takuar me grevistët në SHFMU 2 ne ora 11 e 10 minuta dhe Çerdhen “Foleja” ne ora 11 e 40 minuta, kurse nënkryetarja e SBASHK-ut, Vjollca Shala me anëtarë të tjerë të Këshillit Qendror Grevist do të vizitojë komunën e Obiliqit për të bashkëbiseduar me grevistët në Çerdhes “Rrita Jone” ne ora 9 e 10 minuta për të vazhduar pastaj ne Fushë Kosovë ne SHFMU “Selman Riza” ne ora 11”, thuhet tutje në komunikatën e SBASHK-ut.
Mësimdhënësit janë në grevë të përgjithshme që nga 14 janari./21Media