Sonte mbahet nata finale e Festivalit të Këngës

Sonte me fillim nga ora 21:00 do të mbahet nata e tretë dhe finale e Festivalit të Këngës në RTSH.
Për dy netë me radhë u dhanë perfomanca që ndriçuan skenën e madhe të festivalit.
Pjesëmarrësit, të cilët janë në garë për çmimin e madh, do e përfaqësojë Shqipërinë në edicionin e radhës të kontekstit muzikor “Eurovision”.
Ky është edicioni i 60-të i Festivalit të Këngës dhe në garë janë Kelly, Mirud, Urban Band, Evi Reci, Kastro Zizo, Ester Zairi, Viola Xhemaili, Eldis Arrnjeti, Kejsi Rrustja, Xhuli Pjetraj, Olimpia Smajlaj, Shega, Gjergj Kaçinari, Denis Skura, Endri&Stefi Prifti, Janex, Ronela Hajati, Sajmir Çili, Rrezarta Smaja, Alban Ramosaj, të cilët dhuruan momente madhështore me performimin e tyre në dy netët e para.
Sabri Fejzullahu, Mihrije Braha, Naim Abazi, Pirro Çako, Gili e Irma Libohova ishin në mesin e artistëve që performuan mbrëmë së bashku me këngëtarët që janë në garë.
Kujtojmë që, vitin e kaluar Shqipëria u përfaqësua në Eurovision nga Anxhela Peristeri me këngën “Karma”. Ndërkohë, fitues të Eurovisionit u shpallën grupi Italian Maneskin me këngën e tyre rock, “Zitti e buoni”./21Media