Zyrtare: Vdiq në moshën 54 vjeç agjenti i futbollit Mino Raiola
Mino Raiola, agjenti që përfaqësoi disa nga lojtarët më të famshëm të futbollit, ka vdekur në moshën 54-vjeçare.
Raiola ishte gjithashtu president i Forumit të Futbollit, i cili përfaqësonte agjentët kryesorë dhe lojtarët e tyre.
“Prania e tij do të mungojë përgjithmonë,” tha familja Raiola në një deklaratë.
Aty shkruhej: “Me pikëllim të pafund, njoftojmë për ndarjen nga jeta të agjentit më të kujdesshëm dhe të mrekullueshëm të futbollit që ka qenë ndonjëherë.
“Mino luftoi deri në fund me të njëjtën forcë që vendosi në tavolinat e negociatave për të mbrojtur lojtarët tanë. Si zakonisht,
“Mino preku kaq shumë jetë përmes punës së tij dhe shkroi një kapitull të ri në historinë e futbollit modern”.
Deklarata vazhdon: “Misioni i Minos për ta bërë futbollin një vend më të mirë për lojtarët do të vazhdojë me të njëjtin pasion.
“Falënderojmë të gjithë për mbështetjen e madhe të marrë në këto kohë të vështira dhe kërkojmë respekt për privatësinë e familjes dhe miqve në këtë moment pikëllimi”.
Raiola, i cili gjithashtu përfaqësonte sulmuesin belg Romelu Lukaku, sulmuesin italian Mario Balotelli dhe qendërmbrojtësin holandez Matthijs de Ligt, ishte një figurë kontroverse dhe me ndikim në futbollin botëror.
Dëshiron ta dëgjosh këtë lajm me zë?